Subscribe në Ora News këtu http://bit.ly/1s5j7UT
8 muaj nga shembja e aksit nacional Elbasan-Librazhd në vendin e quajtur Xibrakë, Autoriteti Rrugor Shqiptar konfirmon se do të nisë ndërhyrja. Kreu, Dashamir Xhika, pohoi se është akorduar fondi 99 mln lekë të reja dhe puna për riparimin e rrugës në një gjatësi prej 100 metrash, do të nisë brenda nëntorit. Xhika tha se punimet do të jenë intensive për t?u mbyllur para stinës së dimrit.
Brenda nëntorit do të nisin punimet për riparimin e rrugës nacionale Elbasan-Librazhd, e cila prej rreth 8 muajsh është e pakalueshme në një sens si pasojë e gërryerjeve të lumit.
Kreu i ARRSH, Dashamir Xhika, pohoi se ndërhyrja në një gjatësi 100 metra në fshatin Xibrakë, dhe fondi i akorduar është rreth 99 mln lekë të reja.
Javën e ardhshme, tha Xhika, do të lidhet kontrata me një nga 13 kompanitë që kanë paraqitur ofertën.
Xhika: Brenda vitit ky aks me atë problem aq serioz të jetë kthyer në normalitet të plotë. Fondi në dispozicion është 99 mln lekë të reja, pastaj do të shihet nga dhenia e ofertave. ndërhyrja do të bëhet në një gjatësi prej 100 metrash.
Për shkak të problematikave të rrugëve për shkaqe natyrore, ARRSH do të kërkojë një buxhet shtesë për emergjencat në 2017-n.
Për më shumë lexoni në: http://www.oranews.tv/vendi/rruga-e-xibrakes-arrsh-fond-99-milione-leke-per-nderhyrjen/
