Subscribe në Ora News këtu http://bit.ly/1s5j7UT
Dhjetëra familje të fshatit Shirgjan në Elbasan, që preken nga projekti i rrugës Elbasan-Cërrik kanë protestuar për mungesën e shpronësimit. Ata ngrenë shqetësimin se projekti për rrugën është devijuar, duke u prekur më shumë sipërfaqe toke, ndërkohë që thonë se projekti i ri rrezikon dhe jetën e fëmijëve, pasi rruga kalon ngjitur me kopshtin dhe shkollën 9 vjecare të zonës.
Banorët e Shirgjanit kanë protestuar për të disatën herë për çështjen e shpronësimit, në funksion të rrugës Elbasan Cërrik.
Sipas tyre, projekti për rrugën ka devijuar nga ai fillestari me qëllim mosprishjen e një ndërtesë, çka sipas tyre do t?u prekë sipërfaqe të konsiderueshme tokë bujqësore.
Ata akuzojnë ekspertët e rrugëve se devijimi do të rrezikojë fëmijët, kopshti dhe shkollat e të cilëve ndodhen pranë rrugës.
Banori: Po bëjnë të pamundur për të kaluar rrugën vetëm me një segment, duke ndryshuar totalisht aksin rrugor. Për shkak të një objekti që ndërtohet aty lart dhe për lagjen është objektivi kryesor për aksidente dhe janë bërë aksidente.
Banori: Me 7501 i kemi marrë me tapi këto dhe kemi ndërtuar këtë objektin, këto muret të cilat prishen për interes të firmës që kërkon të bëjë rrugën nga një anë.
Nga devijimi prej projektit fillestar të rrugës Elbasan-Cërrik preken tokat e rreth 30 familjeve të Shirgjanit.
Edhe më herët banorët kanë kërkuar ndërhyrje nga ARRSH, pasi nga gërryerjet për rrugën thonë se janë shkaktuar rrëshqitje të tokës dhe çarje deri në 1 metër thellësi.
Për më shumë lexoni në:http://www.oranews.tv/vendi/banoret-e-shirgjanit-eshte-devijuar-rruga-elbasan-cerrik-na-cenohet-prona/
