http://www.vizionplus.tv
https://facebook.com/VizionPlusTV
https://twitter.com/VizionPlusTV
Mandatarit per qeverinë e re maqedonase Nikolla Gruevski po i skadon afati. Sipas Kushtetutës, deri ne 29 janar ai duhet te krijoje qeverinë, ne te kundërt i takon rivalit te tij nga LSDM, Zoran Zaev qe te përpiqet per ekzekutivin. Por ne VMRO-DPMNE dhe BDI mbizotëron heshtja persa i përket negociatave per krijimin e qeverise. Partia e Gruevskit nuk e ka ftuar partine shqiptare per te diskutuar per një bashkëqeverisje te mundshme. Pak dite me pare, VMRO-DPMNE refuzoi tre kërkesat e BDI per pranimin e gjuhës shqipe si gjuhë të dytë zyrtare, vazhdimin e mandatit të Prokurorisë Speciale dhe përshpejtimin e proceseve eurointegruese. Ndërsa nuk ka ndonjë zhvillim persa i përket koalicioneve te mundshme, Uashingtoni u ka bere thirrje partive politike qe të fillojnë negociatat per qeverinë pa vonesa. Zv/ndihmës sekretari për Evropë dhe Euro-Azi në Departamentin e Shtetit Hoyt Brian Yee, theksoi gjithashtu nevojën që qeveria e re te zbatojë të gjitha detyrimet, përfshirë Marrëveshjen e Perzhines dhe te respektojë punën e Prokurorisë Speciale. Hojt Li nuk pranoi te komentonte platformën e partive shqiptare, por u bëri thirrje te gjitha forcave, që të punojnë për një të ardhme më të mirë për vendin. Te njëjtin apel per formimin sa me shpejt te qeverise, ka përsëritur edhe Bashkimi Europian.
