1 shkurti shënon startin e recetës elektronike në Tirane. Mjekët e familjes, nga sot nuk japin me receta letre, por plotësojnë në mënyrë elektronike, recetën që në përfundim përkthehet vetëm një kod për pacientin që do ta paraqes në farmaci për të marrë ilaçet, me ane të kartës se shëndetit.
Por farmacistët nuk kanë ekzekutuar asnjë recetë të tille. Jashtë kamerave thonë se janë jo vetëm të paqartë, por nuk kanë ende gati sistemin.
Zyrtare të Ministrisë së Shëndetësisë thonë se procesi është vetëm në fillimin e tij. Për pasojë, farmacistët do të punojnë me dy sisteme, edhe elektronik edhe recetën tradicionale deri ne 15 shkurt.
Por receta elektronike duket se do te jete e pamundur për disa kategori individësh. Marrja e saj kërkon Kodin e Pacientit që gjendet në kartën e shëndetit.
Disa të papunë thonë se nuk arrijnë të pajisen me këtë kartë. Probleme kanë edhe personat që kanë nisur procedurat e për daljen në pension.
Prej shkëputjes nga puna deri në lidhjen e pensionit ata nuk arrijnë të marrin kartën, pasi nuk konsiderohet as i papune dhe as pensionist.
Pritet që zgjidhje problemit të të papunëve t?i japë përfshirja e 600 mijë të pasiguruarve në skemën e rimbursimit të ilaçeve. / TV KLAN
