http://www.vizionplus.tv
https://facebook.com/VizionPlusTV
https://twitter.com/VizionPlusTV
NATO mbetet e përkushtuar per te garantuar sigurinë dhe paqen ne Kosove. Këtë garanci dha ne Prishtine sekretari i përgjithshëm i Aleancës se Atlantikut Verior, Jens Stoltenberg, pas takimit me kryeministrin Isa Mustafa.Jens Stoltenberg: NATO-ja është në Kosovë për te ruajtur stabilitetin dhe sigurinë. Ne do te qëndrojmë këtu me nje force me 4500 trupa dhe kjo dërgon mesazhin e qartë të përkushtimit tone, që Kosova të jetë vend i sigurte. KFOR-i do të qëndrojë në Kosovë për aq kohë sa te jete e domosdoshme.Pas tensioneve te kohëve te fundit te shkaktuara nga arrestimi i ish-kryeministrit Haradinaj dhe treni serb qe tentoi te hynte ne Kosove, Stoltenberg dha edhe nje mesazh qe palët te vetëpërmbahen.Jens Stoltenberg: Nuk kemi nevojë për retorikë, por për bisedime. Duhet të ulen tensionet dhe të ecet përpara në procesin e normalizimit të marrëdhënieve. NATO i jep mbështetje dialogut te sponsorizuar nga BE, qe tashme është kthyer ne binare. Marrëveshjet e arritura duhet te vazhdojnë te zbatohen.Duke vlerësuar praninë e KFOR-it ne Kosove si shume te rëndësishme per sigurinë, kryeministri Mustafa theksoi se qeveria është e angazhuar qe çështjet me Serbinë te zgjidhen me dialog.Isa Mustafa: Dialogu me Serbinë është orientim strategjik i politikave tona për normalizimin e marrëdhënieve me Serbinë, mirëpo përkundër kësaj qasje ne kohëve të fundit kemi pasur disa provokime sistematike për të cilat jemi marrë vesh në Bruksel që t?i tejkalojmë me paqe.Mustafa kërkoi mbështetjen e NATO-s per transformimin e FSK ne ushtri, nje proces qe sipas tij po mbahet peng nga deputetet serb. Gjate takimit shefi i qeverise kosovare siguroi Sekretarin e Përgjithshëm të NATO-s për angazhimin ne lufte kundër terrorizmit dhe ekstremizmit. Gjate vizites ne Kosove, Stoltenberg u takua edhe me presidentin Hashim Thaçi, komandantin e KFOR-it, Gjeneral majorin, Giovanni Fungo, si dhe trupat e KFOR-it në Kosovë.
