Subscribe në Ora News këtu http://bit.ly/1s5j7UT
Ministri i Brendshëm Saimir Tahiri u ka lënë një muaj kohë kompanive private të sigurisë për tu ngritur në standartet që e kërkon koha.
Dy ishin kërkesat e Tahirit, përmirësimi i përzgjedhjes së burimeve njerëzore që aktivizohen në policitë private dhe pagesa e këtyre të fundit sa e përcakton ligji.
?Hapësira për të pasur më shumë siguri bashkë me kontributin tuaj ekziston. Kjo duhet të fillojë bnga burimet njerëzore. Është kjo arsyeja që ju takova dhe nuk preferova të firmos urdhër në zbatim të ligjit pa u konsultuar me ju lidhur me burimet njerzore që aktivizohen në policitë private.Policitë private nuk mund të jenë xhepi për pension të parakoshëm të njerëzve që nuk bëjnë dot punë të tjera. Policia private duhet të jetë me standartet më moderne europiane.
Standartet nuk mund të vinë duke paguar një polic privat me 180 mijë lekë të vjetra, kur ligji parashikon 330 mijë lekë minimum, ndërkohë që kompanitë i marrin këto para nga kontraktorët dhe nuk ua japin policëve privatë. Ne do luftojmë, Ministria e Punëve të Brendshme, policia e shtetit, për inspektimin e këtyre standarteve, do luftojmë që secili prej 9000 punonjësve privatë të shoqërive tuaj të paguhen ekzaktësisht sa e kërkon ligji.
Një muaj është i mjaftueshëm për secilin prej jush të zbatojë detyrimet ligjore dhe kontraktuale që keni me kompanitë. Brenda një muaji secili të përbushë detyrimin ligjor, duke pagur me minimumin që parashikon ligji çdo punonjës polic privat që keni në kompanitë tuaja?.
Tahiri foli me nota kritike lidhur me kontributin e policisë private në sigurinë publike.
Për më shumë lexoni në: http://www.oranews.tv/vendi/policia-private-1-muaj-kohe-te-permiresoje-pagat-dhe-burimet-njerezore/
