Ministria e Bujqësisë deklaron se nuk rezulton prani e gripit të shpendëve në Qarkun e Fierit.
Kjo ministri ka mohuar lajmet që diçka e tillë të jetë e vërtetë ndërsa shprehet se në këtë përfundim është dalë pas analizave nga Instituti i Sigurisë Ushqimore dhe Veterinare.
Ky institut ka analizuar mostra të cilat kanë dëshmuar se ngordhja e kafshëve ka ardhur nga infeksionet e zakonshme, jo virusi i Gripit të Shpendëve.
?Pas analizave të kryera nga ISUV, nuk rezulton prania e këtij virusi. ISUV mori mostra dhe i analizoi, rezultuan negative. Ngordhja ka ardhur nga infeksionet e zakonshme, jo virusi i Gripit të Shpendëve. Nuk ka vend për panik, deri tani nuk ka asnjë shenjë të virusit H5N8. Në këto momente specialistët e veterinerët ndodhen në terren për të verifikuar situatën dhe pas analizave të mëtejshme do të publikohen përgjigjet?, shkruhet në njoftimin e Ministrisë së Bujqësisë.
