Pamjet që shihni i përkasin operacionit antidrogë të Policisë së Tiranës të koduar ?Qelqi?, gjatë të cilit u arrestuan pesë pjestarë të një grupi të shitjes e shpërndarjes së drogës në zonën e Kombinatit në Tiranë.
Grupi drejtohej nga Ilir Avdillari, 46 - vjeç, i cili tashmë njihet me emrin Ilir Zyberi. Avdillari ka qenë i njohur më parë si pjesë një grupi kriminal, personash në Yzberisht bashkë me vëllezërit e tij dhe është dënuar disa herë për krime të ndryshme.
Pjesë të grupit të goditur nga policia ishte edhe djali i tij, Fabian Zyberi, 20 - vjeç, si dhe Gentian Boçi, 32 - vjeç, e Odisjen Sakollari 24 - vjeç. Bashkë me ta, policia arrestoi edhe një 17 - vjeçar me inicialet D.A. Në momentet e ndalimit, policia iu bllokoi të arrestuarve edhe një sasi lënde narkotike, prej 30 kilogramë kanabis, e ndarë në 7 thasë.
Droga po përgatitej për t?u shitur tek persona të tretë. Operacioni u krye në banesën e Ilir Avdillarit. Veç lëndës narkotike, policia iu bllokoi të arrestuarve edhe një armë gjahu ?Shotgun? pa leje.
Tv Klan
