http://www.vizionplus.tv
https://facebook.com/VizionPlusTV
https://twitter.com/VizionPlusTV
Është shoqëruar me debate të shumta dëgjesa që kreu i bashkisë së Durrësit Vangjush Dako zhvilloi me qytetarë në lidhje me projektin që po zhvillohet për ndërtimin e velierës. Dako tha se dëgjesa zhvillohet pas akuzave të shumta të pavërteta, sipas tij në lidhje me investimin e bashkisë e sidomos pas akuzave për shkatërrim të vlerave arkeologjike. Të pranishëm në sallën ku është zhvilluar dëgjesa ishin edhe pjesëmarrësit në protesta qe kundërshtojnë projektin. Ata theksuan se investimi po kryhet në zonën arkeologjike A në të cilën ndalohet kategorikisht çdo lloj ndërtimi. Ndërsa arkeologia Brikena Shkodra deklaroi se akoma nuk ka një përfundim se kur datojnë muret dhe objektet e tjerë te zbuluara. Investimi për rehabilitimin e sheshit para portit dhe ndërtimin e velierës kap vlerën e 450 milion lekëve.
