Detaje të reja mësohen nga rrëfimi në polici i 5 vajzave të shfrytëzuara nga një rrjet i prostitucionit, i cili u godit pak ditë më parë. Ato kanë treguar se si ishin rekrutuar nga një prej tutoreve, M.Thanasi, e cila gjithashtu ushtronte në raste të veçanta edhe vetë prostitucion, bashkë me vajzat e tjera. Veç saj, në rekrutim ishte përfshirë edhe një person tjetër me emrin M. Çela.
Sipas rrëfimit të vajzave, ato fillimisht ishin ftuar nga M. Thanasi për t?u njohur në rrjetet sociale. Më pas vajzave, kryesisht studente, iu ofrohej mundësia për të fituar para nëpërmjet marrëdhënieve seksuale me pagesë me klientë të ndryshëm, kryesisht biznesmenë italianë.
Fillimisht vajzat refuzonin, por pagesa e mirë dhe situata ekonomike bënte që studentet të pranonin ofertën e Thanasit. Ato kanë treguar në polici se pagesa shkonte nga 100 në 150 euro. Ato paguheshin me 250 euro në rast të më shumë se një klienti.
Paratë më pas ndaheshin me tutorët. Vetë Thanasi, një nga rekrutueset ka qenë një prej viktimave të prostitucionit. Ajo u ndalua në kufi me Kosovën, ku ishte për t?u trafikuar, por pak kohë më pas ishte kthyer në shfrytëzuese.
Tv Klan
