TIRANË-Dimri ka vendosur të rikthehet me borë e temperatura të ulëta për pak ditë duke ndërhyrë në punët e ?motrës? Pranverë.
Ndërsa dje dëbora zbardhi malet e Librazhdit, Krujës e të Kukësit, nuk kishte si mungonte edhe në Korçë.
Në Voskopojë reshjet e dëborës arrijnë deri në 5 centimetër ndërsa në Dardhë trashësia e saj shkon deri në 15 centimetër.
Borëpastrueset po punojnë për pastrimin e rrugës së Dardhës, ndërsa temperaturat nesër do të zbresin deri në -2 gradë celsius.
Në zonën e Thethit janë angazhuar borëpastrueset pasi prania madhe e borës ka bllokuar disa rrugë.
Reshjet e borës kanë zbardhur dhe fshatra të Bulqizës dhe zona të thella të Shkodrës.
Reshjet e dëborës kanë mbuluar pjesën më të madhe të qarkut Kukës, duke sjellë ulje të temperaturave.
Në fshatrat e njësive administrative Shishtavec, Topojan e Zapod ka patur reshje të lehta dëbore të shkrirë.
