Një ditë përpara protestës së 13 Majit, kreu i opozitës, Lulzim Basha tha se të shtunën manifestimit paqësor të opozitës do t?i bashkohen mijëra qytetarë në mbështetje të kauzës për zgjedhje të lira e të ndershme. E nësermja për kreun e demokratëve është rruga nga ku do të nisë Republika e Re.
Basha shprehu besim se protestës do t?i bashkohen studentë, të punësuar e të papunë, binznesi, pensionistë, ish -të përndjekur e ish - pronarë dhe shtresa të tjera të shoqërisë, të cilave ai thotë se janë dëmtuar nga politikat e qeverisë.
Por kreu i Partisë Demokratike nuk pranoi të komentonte letrën e Komisionerit Johannes Hahn, i cili thotë se mospjesëmarrja e opozitës në zgjedhje ka qenë e paramenduar, se zgjedhjet do të vlerësohen nga standardet dhe jo nga subjektet pjesëmarrëse dhe se udhëheqësit shqiptarë që pengojnë shqiptarët të votojnë, do të mbajnë përgjegjësi.
Tv Klan
