Subscribe në Ora News këtu http://bit.ly/1s5j7UT
Bashkia e Tiranës ka vendosur të mos tolerojë më në zbatimin e ligjit për bashkëjetesën në komunitet. Banorët e pallateve do të kenë detyrimin e zbatimit të rregullave, teksa janë çertifikuar kryesitë dhe administratotët. Në një konferencë me temë shtrirja e strukturave komunitare në Shqipëri Veliaj tha se tashmë janë gati 1147 kryesi pallatesh.
Veliaj: Ligj ka ekzistuar prej 10 vitesh, që kur u miratua nga qeveria e kaluar, por nuk u zbatua asnjëherë nga bashkitë. Kështu që, morëm një ligj i cili kishte nevojë për disa modifikime dhe sot kemi ngritur 1147 kryesi pallatesh. Vokacioni numër një i dikujt që jeton në qytet është që të jetë qytetar dhe fakti që 50% + 1 e banorëve të një pallati vijnë në asamblenë e pallatit për të caktuar kryesinë, e cila më pas do të vendosë për administratorin, është hapi i parë i një civilizimi shumë të pritur për jetesën në komunitet.
Veliaj njoftoi se tashmë bashkia ka gati edhe një portal të ri transparence.
Veliaj: Kemi hapur një portal që quhet Open Data. Është një mënyrë që jo vetëm zbulohet si ke shpenzuar çdo qindarkë të bashkisë, por unë di ekzaktësisht se sa gjoba janë vendosur për parkim të gabuar, apo sa bebe kanë marrë mungesë në çerdhe javën e kaluar. Ne kemi nisur edhe disa praktika shumë të mira përtej Open Data, ajo që është buxhetimi me pjesëmarrje.
Për më shumë lexoni në: http://www.oranews.tv/vendi/veliaj-prezanton-projektin-per-ngritjen-e-strukturave-komunitare/
