http://www.vizionplus.tv
https://facebook.com/VizionPlusTV
https://twitter.com/VizionPlusTV
Ekspertet e vlerësojnë si një zgjatim të qeverisjes aktuale, programin 4 vjeçar të qeverisë për ekonominë. Ata e shohim me skepticizëm planin në këtë sektor.Shtylla kryesore është reduktimi i borxhit publik, në fund të mandatit në 60% të Prodhimit të Brendshëm Bruto, nga 71 që është aktualisht. Kjo do të thotë për katër vite rresht borxhi të reduktohet me 1 mld $. Por sa e mundur është kjo, në kohë që rritja ekonomike ne fund te 4 viteve te ardhshme, parashikohet të jetë 5-6%??Të ulësh borxhin publik me 1mld dollarë do të thotë që këto para t?ia heqësh tregut. Praktikisht ku do gjenden financimet për projektet? Me cfare do furnizohet ekonomia kur mbledhja e te ardhurave është e kufizuar? Ky fakt ngre pikëpyetje per ketë objektiv, i cili është sa i nevojshëm, aq edhe sfidues. Arritja e këtij objektivi është i nevojshëm per parametrat e stabilitet financiar. Pyetja eshte kush do te penalizohet qe te arrihet ky objektiv? Investimet? Une mendoj se vetëm duke qarkulluar parate e fjetura te shqiptareve ne banka do te mund te balancohet mungesa e këtyre parave ne treg.?Sipas eksperteve ka disa nisma konkrete per te stimuluar sektor te rendesishem, siç është bujqësia, por mungon vizion si do te zhvillohet me tej turizmi, nje tjetër sektor jetik per ekonominë.Programi i Partisë Socialiste ka materializuar premtimet elektorale, të cilët për herë të parë gjatë fushatës se zgjedhjeve të 25 qershorit kanë qenë të kursyera.Sipas këtij programi parashikohet, disa lehtësira fiskale të cilat do të prekin kategori të caktuara, por nuk pritet të ketë ulje të përgjithshme taksash dhe tatimesh.
