Këtë paradite në një lidhje direkte për Report TV gazetari Elvis Nabolli raportoi se në fshatin Bërdicë të Shkodrës ishin gjetur municione në fushë, rreth 500 fishekë kallashnikovë.
Menjëherë pas këtij transmetimi policia ushtarake ka shkuar në vendngjarje për të kryer procedurat e nevojshme.
500 fishekët u gjetën në fushë nga banorët e fshatit të cilët ishin duke punuar tokën.
Gazetari Nabolli po ashtu përcolli edhe apelin e banorëve të cilët kërkojnë që fishekët të largohen nga zona pasi ata besojnë se ka ende municione të groposura.
?Janë banorët ata të cilët gjatë punimit vunë re sasinë e fishekëve. 500 fishekë kallashnikovë janë nxjerrë gjatë pastrimi të kanaleve kulluese, municionet janë nxjerrë në anë të rrugës. Zona nuk është shumë e frekuentuar por sërish në këtë zonë ka fëmijë, ka familjarë të cilët apelojnë që polica të pastrojë zonën të largojë municionin pasi sipas banorëve ka ende fishekë që janë groposur pas vitit 1997 dhe janë fshehur nga banorët. Deri në këto momentë fatmirësisht nuk ka patur probleme. Banorët besojnë se në këtë zonë ka arka me municione që janë groposur dhe kërkojnë që policia t?i pastrojë? raportoi gazetari i Report Tv.
