Sekretarja për Organizatat Partnere në PD dhe njëkohësisht anëtare e Kryesisë, Valbona Mezini ka reaguar për herë të parë pas incidentit dje në mbledhjen e Kryesisë me Jemin Gjanën.
Mezini e njohur si një nga kritiket e Bashës shprehet se iu turrën, pasi guxoi që të flasë atë që mendon për partinë Demokratike.
Ajo thotë se PD ndodhet në ditët më të vështirë dhe ka nevojë që të ngrihet njëherë e përgjithëmonë nga disfata dhe asfiksimi i mendimit te lirë.
?Mungesa e njohjes së të vërtetës dhe aq me keq fshehja qëllimisht e saj kultivon totalitarizmin dhe diktaturën, për të mos thënë se sjell modën e retrospektivave ku strukturat politike ishin prone e familjeve mafioze. Nëse nuk je njeri prej nesh, je njeri prej tyre dhe hiqesh qafe? shkruan Mezini.
Valbona Mezini u përfshi dje në një debat në kufijtë e përplasjes në mbledhjen e Kryesisë me Jemin Gjanën gjatë analizës për humbjen e zgjedhjeve dhe procesin e 22 korrikut ku u rizgjodh Basha.
