Aleksandër Llanaj që iu bë atentat pak ditë më parë në Vlorë, i ruhej një hakmarrje të mundshme. Burime të Report TV nga Policia e Vlorës sqaruan se Aleksandër Llanaj lëvizte me makinë të blinduar në qytetin bregdetar.
Por prej disa ditësh ai nuk e përdorte makinën e blinduar, pasi kishte frikë se mos ja sekuestronte Policia në kuadër të operacionit ?Vjeshtë 2017?.
Pikërisht sapo u pikas se Aleksandër Llanaj lëvizte pa makinë të blinduar, atij iu bë atentat në qytetin bregdetar, ku mbeti i plagosur edhe djali i tij i mitur dhe 50-vjeçari Dritan Bega.
Llanaj e përdorte makinën e blinduar, pasi i trembej një atentati, për shkak vëllai i tij është një ndër të akuzuarit kryesor të masakrës së Çoles, ku mbetën të vrarë 3 persona në 2015.
Ndërkohë ditën e sotme Gjykata e Vlorës ka dhënë masën arrest me burg për Aleksandër Llanaj. Kjo për faktin se iu gjet një pistoletë pa leje, pikërisht në makinën ku iu bë atentat. Këtë pistoletë ai e mbante për shkak të hasmërive me disa persona në Vlorë. Me 20 plumba u qëllua benzi me të cilin lëvizte Aleksandër Llanaj, por aid he dy personat e tjerë arritën ti shpëtonin atentatit.
