Fronti i Bashkuar Opozitar, i zyrtarizuar një ditë pas publikimit të dosjes Habilaj, doli me dy kërkesa, pas tryezës së parë të zhvilluar paradite në Tiranë.
Lulzim Basha: ?Fronti i bashkuar opozitar kërkon largimin e kryeministrit Edi Rama si drejtuesi dhe përgjegjësi i narko-shtetit. Përfituesi i drejtëpërdrejtë i lidhjeve mafioze të tij dhe ministrave të tij me narkotrafikantët dhe trafikantët e armëve.
Fronti i bashkuar opozitar kërkon krijimin e një qeverie antimafia dhe të reformës zgjedhore me qëllim shembjen e lidhjeve të krimit me politikën dhe garantimin e zgjedhjeve të lira dhe të ndershme si e vetmja rrugë për t?i kthyer legjitimitetin qeverisjes?.
Bashkimi i opozitës vjen pas publikimit përgjimeve të Moisi Habilajt, një kushëri i largët i ish?ministrit Saimir Tahiri, me disa anëtarë të grupit të tij të narkotrafikut. Në biseda ata përmendin emrin e ish ?ministrit si person që përfitonte nga trafiku i kanabisit dhe shprehen se paratë që vinin nga ky aktivitet kriminal Tahiri i përdorte për fushatë elektorale.
Duke folur në emër të ?Frontit të bashkuar opozitar?, Lulzim Basha tha se demokracia ndodhet në një udhëkryq të rrezikshëm dhe akuzoi si përgjegjës kryesor të lidhjeve të krimit me kupolën qeverisëse, kryeministrin Rama.
Kryetarja e LSI-së, Monika Kryemadhi nuk përjashton as si pjesë e aksionit politik që beri bashkë partitë e opozitës.
Monika Kryemadhi: ?Sa i takon protestave këtë nuk e bëjnë partitë politike, por protestat vijnë nga populli dhe populli duhet të besojë tek ata që drejtojnë. Klasa politike duhet t?i japë fund tranzicionit politik dhe këtë ia kemi borxh shqiptarëve?.
Në deklaratën e përbashkët, Fronti i Bashkuar Opozitar i kërkon Prokurorit të Përgjithshëm të nisë urgjent hetimin për ish-ministrin Sajmir Tahiri dhe në bashkëpunim me autoritetet homologe italiane dhe të tjerë, të kryejë të gjithë veprimet e nevojshme për të vënë para drejtësisë të gjithë individët e implikuar në trafikun e drogës dhe të armëve, të zbuluar së fundmi.
Gjithashtu fronti kërkon nga organi i akuzës të hetojë edhe ministra të tjerë, të cilet i akuzon si të lidhur me trafiqet dhe të implikuar në bashkëpunimin kriminal për blerjen e votës në zgjedhjet e qershorit.
Tv Klan
