Kryebashkiaku i Fierit, Armando Subashi u shpreh se zonat e përmbytura e kanë kaluar tashmë emergjencën natyrore të shkaktuar reshjet intensive të shiut.
Ai tha se shumë shpejt do nisë përllogaritja e dëmeve për familjet e prekura nga vërshimi i ujërave të Vjosës. Sa i takon shembjes së urës në fshatin Darëzezë, Subashi tha se do zgjidhet përkohësisht vetëm kalimi i njerëzve, ndërsa për automjetet do pritet instalimi i një ure tip bejli nga Forcat e Armatosura.
"Do bëjmë një ndërhyrje shumë të shpejtë për të mundësuar kalimin e njerëzve mbi urën e Darëzezës. FA do instalojnë një urë tip bejli për ta zgjidhur problemin njëherë e përgjithmonë. Kjo urë ka marrë fund dhe nuk funksionon më", tha Subashi.
