Subscribe në Ora News këtu http://bit.ly/1s5j7UT
Duket se edhe mediat franceze kanë hedhur dyshimet e tyre, lidhur me vdekjen e 23 vjeçarit, Florenc Beqiraj. Artikuj të ndryshëm rreth vdekjes së mistershme, kanë shkruajtur portalet mediale dhe shtypi i shkruar francez, ku nënvizojnë faktin se vdekja e të riut shqiptar ka ndodhur në rrethana të pashpjegueshme, megjithëse nuk lënë pa përmendur edhe variantin e vetëvrasjes sipas versionit të policisë. Ndërkohë Shoqata franceze ?Forumi i Refugjatëve?, e cila ofron ndihmë juridike për njerëzit në paraburgim, bën thirrjë që të hidhet dritë mbi këtë rast.
Së fundmi, vdekjen e të riut shqiptar për të cilin familjarët pretendojnë se është masakruar në burgun e Marsejës, e kanë komentuar edhe mediat franceze të cilat duket se dhe ato kanë dyshimet e tyre lidhur më këtë rast.
Agjensia e lajmeve AFP ka shkruar se vdekja e Florenc Beqiraj ka ndodhur në rrethana të pashpjegueshme, pasi i riu shqiptar kishte hequr dorë nga azili, shkruhet më tej dhe kërkonte të kthehej sa më parë në Shqipëri për tu bashkuar me familjen e tij për festat e fundvitit. Pse duhet të vriste veten, kur do kthehej tek familja në Shqipëri, shtron pyetjen AFP.
Një emigrant u përpoq vetëvritej, duke u varur në dhomën e tij në paraburgim në qendrën e Canet, në katin e katërmbëdhjetë nis artikulli i agjensisë AFP, e cila thotë se kjo qendër po përjeton një seri tentativash për vetëvrasje në javët e fundit.
Agjensia e cila ka dhe një rubrikë në mbrojtje të refugjatëve, shkruan se tentativa për vetëvrasje e 23 vjeçarit shqiptar nisi më 14 dhjetor..
Një hetim mbi të cilin ?do të hidhet dritë? pas një vdekje në qendrën e paraburgimit në Canet. Kështu e ka nisur artikullin e përditshmja franceze ?Marsactu? e cila shkruan se familja e Florenc Beqiraj, ka ngritur padi kundrejt vdekjes së pashpjegueshme të djalit të tyre.
Për më shumë lexoni në:http://oranews.tv/article/mediat-franceze-florencin-pse-te-veteritej-kur-do-kthehej-shqiperi
