Subscribe në Ora News këtu http://bit.ly/1s5j7UT
Një sasi lëndë plasëse është hedhur në oborrin e përbashkët të banesave të dy vëllezërve Fran dhe Mark Paja në lagjen ?Tre Herojt? të Shkodres.
Ngjarja është regjistruar në orën 02.00 të mëngjesit të 6 Janarit 2018, dhe sipas njoftimit të policisë lokale, e cila ka kryer verifikimet në terren, janë shkaktuar vetem deme të lehta materiale në një automjet tip Citroen me targë AA 505 BA që ndodhej i parkuar në oborr.
Fatmirësisht shpërthimi nuk pati deme të tjera, apo persona të lënduar, ndërsa si provë materiale u gjet në oborrin e banesave një fitil zjarrpërcjellës me gjatësi 8 cm.
"Me datë 06.01.2018, rreth orës 02:00, ka ardhur një telefonatë se në lagjen ?Tre Herojt? Shkodër, në oborrin e përbashket të banesave të vëllezërve F. P. dhe M. P. është dëgjuar një shpërthim lënde plasëse. Menjëhere kanë shkuar shërbimet e policisë ku kanë konstatuar se kanë hedhur një sasi të vogël lënde plasëse, ku si pasojë e shpërthimit nuk ka persona të dëmtuar, por vetëm dëme të lehta materiale të mjetit tip Citroen me targë AA 505 BA. Nga kqyrja paraprake e vendit të ngjarjes u gjet dhe u sekuestrua në cilësinë e provës materiale një fitil zjarrpërcjellës me gjatësi 8 cm" informon policia e Shkodrës.
Grupi hetimor ka marrë në pyetje pas ngjarjes dy vellezerit Mark dhe Fran Paja, të cilët kanë deklaruar përpara oficereve të policisë gjyqësore se nuk kanë dijeni se kush mund ta ketë vendosur lenden plasese.
Hetimet janë përqendruar në dy pista, e para ajo për shkak të detyres, pasi Fran Paja punon në zyrën e financës pranë drejtorise së shfrytëzimit të automjeteve Shkoder, ndërsa pista e dytë ajo e ndonjë konflikti të vjetër që mund të kenë vellezerit Paja.
Ndonëse këta të fundit nuk kanë dhene detaje apo ndonjë indicie për policinë, kjo e fundit po punon edhe në këtë drejtim. Duke qënë se kanë vepruar natën, në një orar me pak lëvizje, autorët apo autori kanë shmangur sytë e kalimtareve, ndërsa në zonë mungojnë afër banesave kamerat e sigurisë, që të mund të ndihmojnë në hetime. Gjithsesi ekspertët po kryejnë veprimet për sqarimin e rrethanave të ngjarjes dhe për identifikimin dhe kapjen e autorëve.
Për më shumë lexoni në:
http://oranews.tv/article/hedhint-tritol-ne-oborrin-e-dy-vellezerve-ne-shkoder
