Kryetari i Partisë Demokratike, Lulzim Basha në një dalje për mediat tha se protesta e së shtunës dha mesazhin e qartë se shqiptarët nuk e pranojnë më këtë gjendje, në të cilën sipas tij, ndodhet vendi.
?Mesazhi i protestës së djeshme ishte se shumica dërrmuese e shqiptarëve e refuzojnë qeverinë e bandës, e krimit, drogës, që janë shkaku i varfërisë, i gjendjes ku ndodhen sot të gjithë shqiptarët. Është po ashtu mesazh që shqiptarët kanë vendosur që të mos e ulin më kokën. Është një mesazh i fuqishëm për opozitën dhe kauzën e objektivin tonë për një një qeveri antimafia?.
Basha falenderoi të gjithë pjesëmarrësit në protestë dhe tha se kjo e fundit ishte ?një betejë madhështore e fituar nga shqiptarët?.
Ne do ta vazhdojmë këtë luftë, tha Basha, ditë për ditë, bashkë me qytetarët, për të arritur fitoren e kësaj kauzë.
?Shqiptarët e bashkuar në protestë dhanë një mesazh revolte, refuzimi, papajtueshmërie me qeverinë e krimit, por edhe një mesazh shprese se Shqipëria do të bëhet. Kjo është fitorja e ditës së djeshme. Dje hapët një horizont shprese për gjithë?, tha Basha më tej.
Opozita kërkon largimin e Kryeministrit Edi Rama dhe krijimin e një qeverie antimafia, si e vetmja garanci për t?i hapur rrugë zgjedhjeve të lira e të ndershme dhe zbatimit të Reformës në Drejtësi./tvklan.al
