Avokati i të akuzuarit Rexhep Tarba, mbikëqyrës i punimeve në rrugën Elbasan-Gjinar, menjëherë pas seancës së vlerësimit të masës së sigurisë, lëshoi akuza të rënda ndaj drejtësisë shqiptare, duke i cilësuar arrestimet por edhe procesin e sotëm, si politike. Sipas tij, nuk ka asnjë provë që implikon klientin e tij, ndërsa paralajmëroi ankimimin e masës.
Gjykata e Elbasanit la sot në burg ish-drejtorin e ARRSH, Dashamir Xhika, ish-zv/ drejtorin Andi Toma, mbikëqyrësin e punimeve Rexhep Tarba dhe dy biznesmenët Agron dhe Kujtim Hysa, ndërsa Rrezarta Boçiku është lënë në arrest shtëpie.
