Subscribe në Ora News këtu http://bit.ly/1s5j7UT
Presidenti, Ilir Meta, hap procedurat për plotësimin e dy vendeve vakante të krijuara në Gjykatën Kushtetuese, njëri për mbarim mandati dhe tjetri vakancë e parakohshme.
Bëhet fjalë për plotësimin e vendeve të lënë bosh në këtë gjykatë nga ish-gjyqtarët Sokol Berberi dhe Besnik Imeraj.
Presidenti i Republikës fton çdo person të interesuar që plotëson kushtet dhe kriteret e parashikuara në Kushtetutë dhe ligjin nr.8577, datë 10.02.2000 ?Për organizimin dhe funksionimin e Gjykatës Kushtetuese të Republikës së Shqipërisë?, i ndryshuar, të marrë pjesë në këtë procedurë të konkurimit të hapur publik.
Publikimi me të dhënat e nevojshme mbi dorëzimin e kërkesës dhe të dokumentacionit të kërkuar gjendet i publikuar në faqen zyrtare të internetit të institucionit të Presidentit të Republikës, si dhe në mjetet e tjera të informimit publik.
Njoftimi i Presidencës
Presidenti i Republikës, në mbështetje të Kushtetutës dhe parashikimeve të ligjit nr.8577, datë 10.02.2000, duke vlerësuar njoftimet dhe vendimet e Gjykatës Kushtetuese mbi vakancat e krijuara në këtë trupë gjyqësore, me qëllim nisjen e procesit të përtëritjes së përbërjes së Gjykatës Kushtetuese dhe emërimit të gjyqtarit të ri për plotësimin e ?Vakancës së parë?, krijuar për shkak të mbarimit të mandatit të ish-gjyqtarit Sokol Berberi, si dhe plotësimit të ?Vakancës së pararakoshme?, krijuar për shkak të mbarimit përpara kohe të mandatit të ish-gjyqtarit Besnik Imeraj për shkak të dorëheqjes së tij, me cilësinë e organit të emërtesës me Dekretin nr.10722, datë 07.02.2018 dhe Dekretin nr. 10723, datë 07.02.2018, ka miratuar ;
-Shpalljen e procedurës së aplikimit për emërim gjyqtari në Gjykatën Kushtetuese të Republikës së Shqipërisë, me qëllim plotësimin e ?Vakancës së parë? të krijuar për shkak të përfundimit të mandatit të ish-gjyqtarit të kësaj gjykate Z. Sokol Berberi.
-Shpalljen e procedurës së aplikimit për emërim gjyqtari në Gjykatën Kushtetuese të Republikës së Shqipërisë, për plotësimin e ?Vakancës së parakohshme? të krijuar nga përfundimi përpara kohe i mandatit, të ish-gjyqtarit Z. Besnik Imeraj, më datë 31.01.2018, për shkak të heqjes dorë prej tij nga kjo detyrë.
Për më shumë lexoni në:
http://oranews.tv/article/meta-hap-aplikimet-dy-vende-vakante-ne-kushtetuese
