Subscribe në Ora News këtu http://bit.ly/1s5j7UT
Gjykata e Fierit ka dhënë arrest me burg me qëllim ekstradimi për 25 vjecarin Aldo Ymeraj, të arrestuar pak ditë më parë mbi bazën e një urdhër arresti amerikan në kuadër të një operacioni ndërkombëtar kundër krimit kibernetik.
Ai dyshohet të jetë pjesë e rrjetit të quajtur ?Infraud?, i cili shiste të dhëna të vjedhura kartash krediti në internet duke u shkaktuar konsumatorëve një humbje prej 530 milionë dollarësh.
Vetëm i riu fierak dyshohet se ka arritur të vjedhë mbi1 1.5 milion euro duke thyer kodet e llogarive online.
Ymeraj kishte arritur nëpërmjet pajisjes ?Skimmer? të klononte në Shqipëri rreth 1000 karta, llogari bankare si edhe transnksione online.
Sipas njoftimit të policisë Ymeraj u arrestua gjatë një operacioni të zhvilluar mbrëmjen e së hënës në Tiranë, nga Sektori Kundër Krimeve Kibernetike në Policinë e Shtetit në bashkëpunim me DVP Fier dhe Prokurorinë e Përgjithshme.
Kush Aldo Ymeraj në këtë rrjet?
Sipas dosjes së drejtësisë amerikane që mban datën 31 dhjetor 2017, Aldo Ymeraj përdorte në faqet e errëta të internetit tre nofka, si . "Nill.in," "Kubanezi," ''Yank;eeman".
Sipas dosjes, Aldo Ymeraj u bë anëtar i Organizatës In.fraud në 14 nëntor të vitit 2010. Ai reklamon në Forumin e Organizatës si Furnizues i deponive dhe është një operator i AVS "niii.in", duke e përdorur atë si një dalje për të shitur deponitë e anëtarëve dhe bashkëpunëtorëve të In.fraud. Nëpërmjet veprimtarisë së tij, Ymeraj ka përfituar 675,000 dollarë.
Organizata "Infraud" ushtronte veprimtarinë e vet në Las Vegas, Nevada dhe vende të tjera dhe akuzohet për pastrim parash dhe trafikim të dhënat të vjedhura të identiteteve.
Në mars të vitit 2017, në forumin e kësaj organizate bënin pjesë 10.901 anëtarë.
Hierarkia e kësaj organizate përbëhej nga administratorët, supermoderatorët, moderatorët, shitësit (që njiheshin edhe si profesorët ose doktorët), anëtarët VIP dhe anëtarë të thjeshtë.
Për më shumë lexoni në:
http://oranews.tv/article/krimi-kibernetik-gjykata-e-fierit-vendos-ekstradimin-e-aldo-ymerajt-ne-shba
