Subscribe në Ora News këtu http://bit.ly/1s5j7UT
Kastriot Myftaraj në emisionin e tij "Ju flet Moska" i është rikthyer drejtorit të Fondit Shqiptar të Zhvillimit, Benet Beci. Këtë herë ai ka analizuar karrierën e tij, që Myftaraj e quan të çuditshme.
Myftaraj: Ka disa mjete në Shqipëri të cilët kanë bërë një karrierë të çuditshme nëpërmjet disa strukturave të krijuara me ligj, por që praktikisht janë private në shërbim të këtyre personave me karrierë të çuditshme që zotërojnë me qindra milionë euro nga ndihma e huaj dhe nga buxheti i shtetit shqiptar dhe realisht i disponojnë sikur ti kishin paratë e tyre.
Këta njerëz bëjnë karrierë të gjatë në krye të këtyre institucioneve për shumë e shumë vite. Janë disa të tillë, kam folur për ta, por jo hollësisht.
Sot do të zbërdhej karrierën e njërit prej tyre. Sot do të merrem me zotin Benet Beci. Jam marrë herë të tjera, por sot do të zbërdhej me hollësi karrierën e tij, relativisht me hollësi sepse kërkon dhe emisione të tjera. Por aq me hollësi sa të krijohet një ide e qartë për shikuesit.
Zoti Benet Beci është drejtori i Fondit Shqiptar të Zhvillimit që prej vitit 2005 dhe kushedi sa vite do vazhdojë në këtë detyre. Një institucion i cuditshëm evaziv, OJF po merr me qindra milionë dollarë ndihma nga organizmat e huaja, shtete, banka etj., merr dhe nga buxheti i shtetit shqiptar dhe që zoti Beci kohët e fundit ka shfaqur dëshirën për ta kthyer dhe ka zbuluar planin për ta kthyer në një bankë.
Për më shumë lexoni në: http://oranews.tv/article/ju-flet-moska-sekretat-e-karrieres-se-benet-becit
