Rikonstruksioni i godinës së Muzeut Historik Kombëtar i premtuar të nis brenda 2021 është vetëm fillimi i një procesi thuajse kirurgjikal. Rikonceptimi i linjës muzeale është pika që do të riaktivizojë debatet mbi të shkuarën.
Për këtë të dhënë të pashmangshme sepse vetë narrativa kombëtare është e komplikuar, puna me profesionistë edhe nga jashtë Shqipërisë po i prin ndërhyrjeve në ndërtesë. Linda Norris e angazhuar prej vitesh në organizma të rëndësishëm ndërkombëtarë të kujtesës, është një nga muzeologet që vjen nga Shtetet e Bashkuara për të dhënë ndihmën e saj. Pas njohjes nga afër sugjerimi i Lindës është.
"I kam sugjeruar Ministres së Kulturës ta çojë stafin e Muzeut Historik Kombëtar në gjithë Shqipërinë. Të zhvillojnë takime për të kuptuar se cila është historia, narrativa që duhet treguar në një institucion që kërkon të ri-bëjë linjën muzeale", thotë muzeologia Linda Norris.
Eksperienca por edhe ajo që përftoi këto ditë nga diskutimet me homologë të saj në Shqipëri e çon muzeologen amerikane në këtë pikë mendimi.
"Mendoj se duhet të hapim një dialog më shumë se një narrativë të përcaktuar nga lart. Një dialog që gjeneron nga komuniteti dhe që është e rëndësishme për një muze që reflekton Shqipërinë e sotme që shkon drejt të ardhmes", shprehet ajo.
"Keni objekte të çmuara dhe histori të pabesueshme edhe të komplikuar për të treguar. Nuk mund të shpresoni që njerëzit që vijnë në sheshin e bukur ?Skënderbej? të hyjnë edhe në muze. Duhet të dilni ju jashtë", thotë Linda Norris.
"Profesionistët e muzeve thonë se ne nuk na pëlqen askush. Së pari duhet ta pëlqejmë ne publikun. T'u tregojmë njerëzve atë që është brenda, historinë e njerëzve të mëdhenj. Mendoj se historitë e njerëzve të zakonshëm janë një mënyrë për të nisur këtë ?marsh me shumë".
