Subscribe në Ora News këtu http://bit.ly/1s5j7UT
Qeveria shqiptare do të financojë me 2 mln dollarë projektet në fushën e çështjeve sociale, nxitjes së zhvillimit ekonomik dhe mbrojtjen e mjedisit. Kjo iniciativë vjen si pjesë e objektivave të OKB për integrimin mbështetjen e shtresave në nevojë dhe sektorëve që duhet të ndërhyhet, siç është punësimi, barazia gjinore, mbrojtja e mjedisit dhe shumë sektorë të tjerë.
ZV/kryeministrja Mesi dhe koordiantori i OKB VVilliams prezantuan fondin e përshpejtimit të objektivave të zhvillimit të qëndrueshëm, i cili ka për synim financimin e projekteve për arritjen e angazhimeve të Shqipërisë ndaj Objektivave të OKB.
Mesi: Për të realizuar këto objektiva, kërkohen edhe fonde dhe në këtë aspekt, bashkë me Ministrinë e Financave dhe të Ekonomisë, kemi diskutuar për krijimin e një fondi për realizimin e këtyre objektivave. Qeveria shqiptare do të sigurojë çeljen e këtij fondi me rreth 2 mln dollarë.
Nga 16-20 prill një grup agjencish nga OKB do të zhvillojnë konsultime me qeverinë, shoqërinë civile për të evidentuar fushat të cilat kanë më shumë nevojë për ndërhyrje në vendin tonë.
Për më shumë lexoni në: http://oranews.tv/article/2-mln-usd-projektet-sociale
