Subscribe në Ora News këtu http://bit.ly/1s5j7UT
Partia Demokratike dega Durrës ka nisur riorganizimin e strukturave të partisë, në kuadër të zgjedhjeve të ardhëshme që pritet të mbahen vitin e ardhshëm.
Kryetari i komanduar i degës së Partisë Demokratike në Durrës, Ferdinand Xhaferri zhvilloi në Manëz takimin e parë në kuadër të një axhende që do të shërbejë për të ringritur partinë.
Në takimin me strukturat e partisë të njësive administrative: Sukth-Manëz-Ishëm, zona, të cilat pak vite më parë ishin bastione të së djathtës, Xhaferri kërkoi të mblidhen të gjitha forcat dhe të përgatiten për të fituar zgjedhjet lokale të vitit 2019.
Xhaferri tha se PD ka bërë një analizë të thellë për situatën e zgjedhjeve të kaluara. Sipas tij, PD-ja e ktheu kokën prapa për të bërë këtë analizë, për të gjetur gabimin dhe jo për të prerë kokat e njëri-tjetrit.
Ferdinand Xhaferri: Nuk e kthyem kokën prapa për ti prerë kokat njëri-tjetrit, por e kthyem kokën prapa për të parë çfarë bëmë ne dhe ku ishin gabimet tona.
Xhaferri theksoi se, partia demokratike dhe strukturat e saj janë ballë-lartë për të shkuar shtëpi më shtëpi dhe të kërkojnë votën e qytetarëve ndryshe nga PS e cila ka mëndjen vetën të ushqejë oligarkët e saj.
Ferdinand Xhaferri: Ne demokratët jemi ballë lartë për të hyrë në çdo shtëpi të Manzës, është farë e thjeshte qeveria e Edi Ramës të bëjë për qytetarin e Ramës aq sa bën për Muxhahetinët. Kjo është një bandë që mendon vetëm për klientët e saj.
Për më shumë lexoni në: http://oranews.tv/article/dega-e-pd-ne-durres-nis-riorganizimin-e-strukturave
