Actor Prabhas is currently busy shooting for the much-awaited action film Saaho which is being shot simultaneously in Hindi and Telugu.
బాహుబలి తర్వాత ప్రభాస్ నటిస్తున్న సినిమా సాహో. బాహుబలి రిలీజై ఏడాది గడుస్తున్నా యంగ్ రెబల్ స్టార్ సినిమా రిలీజ్ కాకపోవడం అభిమానులను కలవరానికి గురిచేస్తుంది. సాహో తర్వాత మరో సినిమా లేట్ కాకుండదనే అంశంతో ప్రభాస్ తన సినిమాల వేగం పెంచినట్టు కనిపిస్తున్నది.
సాహో షూటింగ్‌ను ఓ పక్క కానిస్తూనే మరో పక్క తన తదుపరి చిత్రంపై దృష్టిపెట్టారు. జిల్ చిత్రాన్ని రూపొందించిన రాధాకృష్ణతో ఓ రొమాంటిక్ లవ్ స్టోరిని ప్లాన్ చేశారు. ఈ సినిమా యూరప్ బ్యాక్ డ్రాప్‌గా రూపొందనున్నది.
వాస్తవానికి రాధాకృష్ణతో ప్రభాస్ సినిమా జూన్ మాసంలోనే పట్టాలెక్కాల్సింది. కానీ దుబాయ్‌లో సాహో సినిమా యాక్షన్ పార్ట్‌లో ప్రభాస్ బిజీగా ఉండటంతో ఆ చిత్రం సెట్స్‌లోకి వెళ్లలేకపోయింది. ఈ చిత్రంలో యంగ్ రెబల్ స్టార్‌తో పూజా హెగ్డే జతకట్టనున్నది. ప్రస్తుతం ప్రీ ప్రొడక్షన్ కార్యక్రమాల్లో చిత్ర యూనిట్ బిజీగా ఉంది.
