സംസാരിക്കുന്ന കൊലയാളി തിമിംഗലം
ഫ്രാന്‍സില്‍ കൊലയാളി തിമിംഗല വിഭാഗത്തില്‍ ഉള്‍പെടുന്ന വിക്കിയ്ക്ക് സംസാരിക്കാനും കഴിവുണ്ട്
വെള്ളത്തിലെ അഭ്യാസ പ്രകടനം മാത്രമല്ല സംസാരിക്കാനും കഴിവുണ്ടെന്ന് തെളിയിച്ചിരിക്കുകയാണ് വിക്കി എന്ന തിമിംഗലം.പതിനാല് വയസ്സുള്ള കൊലയാളി തിമിംഗല വിഭാഗത്തില്‍ പെടുന്ന പെണ്‍ തിമിംഗലമാണ് വിക്കി. ഹലോ, ബൈ, എന്നും ട്രെയിനര്‍ എമിയുടെ പേരും വിക്കി നിഷ്പ്രയാസം ഉച്ചരിക്കും. ഒന്ന് മുതല്‍ മൂന്നു വരെ എണ്ണാനും വിക്കിയ്ക്ക് കഴിവുണ്ട്. മനുഷ്യ ശബ്ദത്തിന് സമാനമാണ് വിക്കിയുടെ സംഭാഷണമെന്ന് ഗവേഷകര്‍ സ്ഥിരീകരിച്ചു. കൂടുതൽ പരിശീലനം നൽകിയാൽ ഇംഗ്ലീഷിൽ ഒരു പാട്ടു പാടാനും വിക്കി തയ്യാറായേക്കുമെന്നാണ് ഫ്രാൻസിലെ ഗവേഷകരുടെ വാദം.ചെറു പ്രായത്തിൽ എന്‍റിബ്സിലെത്തിയ വിക്കി പെട്ടന്നു തന്നെ ഇണക്കം കാട്ടിയിരുന്നവെന്ന് പരിശീലക എമി പറഞ്ഞു. ആദ്യമാദ്യം എമി പറയുന്നത് വിക്കി തനിയെ ഏറ്റു പറയാൻ തുടങ്ങി. പിന്നീട് കരയിലേക്ക് അടുത്തു വരുന്ന സമയത്ത് ഹലോയും ബൈയുമൊക്കെ പറഞ്ഞു തുടങ്ങി.ജന്തുലോകത്ത് അപൂർവ്വമായി മാത്രം ലഭിക്കുന്ന സംസാരിക്കാനുള്ള കഴിവ് സ്വായത്തമാക്കിയത് വിക്കിയെ പ്രശസ്തയാക്കിയിരിക്കുകയാണ്.
world's first talking killer whale
