ബാങ്കുകൾ തുറന്നു പ്രവര്ത്തിക്കും
സെപ്റ്റംബർ ആദ്യ ആഴ്ചയിൽ ആറുദിനം ബാങ്കുകൾ തുറക്കില്ലെന്ന വാർത്ത അടിസ്ഥാനരഹിതം
വാട്സാപ്പിലൂടെയും സമൂഹമാധ്യമങ്ങളിലൂടെയും പ്രചരിക്കുന്ന വാർത്തക്കെതിരെയാണ് ബാങ്ക് ജീവനക്കാരുടെ ദേശീയ സംഘടന വൈസ് പ്രസിഡന്റ് അശ്വനി റാണ പ്രതികരിച്ചിരിക്കുന്നത്. 3, 4, 5, 6, 7 തീയതികളില് കേരളത്തില് ബാങ്കുകള് പ്രവര്ത്തിക്കുമെന്ന് അശ്വനി റാണ വാർത്ത ഏജൻസിയായ ഐഎഎൻഎസിനോടു പറഞ്ഞു. റിസർവ് ബാങ്ക് ഉദ്യോഗസ്ഥർ മാത്രമാണ് സെപ്റ്റംബർ നാല്, അഞ്ച് തീയതികളിൽ കൂട്ടഅവധി എടുക്കുന്നത്. എന്നാൽ ഇവ പൊതുമേഖല, സ്വകാര്യ ബാങ്കുകളുടെ പ്രവർത്തനത്തെ ബാധിക്കുകയില്ലെന്നും റാണ വ്യക്തമാക്കി.സെപ്റ്റംബർ രണ്ട് – ഞായറാഴ്ച, മൂന്ന് – ജന്മാഷ്ടമി, നാല്, അഞ്ച് – പെൻഷനായുള്ള ബാങ്ക് ജീവനക്കാരുടെ സമരം, എട്ട്, ഒൻപത് – ബാങ്ക് അവധി എന്നിവ കാരണം എടിഎമ്മുകളും ബാങ്കുകളും പ്രവർത്തിക്കില്ലെന്നും ആവശ്യമായ പണം കയ്യിൽ കരുതണമെന്നുമായിരുന്നു സന്ദേശം.അതേസമയം സെപ്റ്റംബർ നാലിന് ജന്മാഷ്ടമി ദിനത്തിൽ ഉത്തരേന്ത്യയിലെ ചില ബാങ്കുകൾ പ്രവർത്തനരഹിതമായിരിക്കും. ജന്മാഷ്ടമി കേരളത്തില് അവധിയില്ല. ഓൺലൈൻ ബാങ്കിങ്, എടിഎം സർവീസുകൾ എന്നിവ ഈ ദിവസങ്ങളിൽ തടസ്സപ്പെടില്ലെന്നും ബാങ്കിലെ ഉദ്യോഗസ്ഥര് അറിയിച്ചു.
