Subscribe në Ora News këtu http://bit.ly/1s5j7UT
Ndikimi i emigracionit në numrin e popullsisë që jeton brenda territorit do të verifikohet në vitin 2020. INSTAT ka nisur përgatitjet për një tjetër cencus ku ashtu si dhe në vitin 2011 shqiptarët do të kenë mundësi të deklarojnë kombësinë e tyre. Por kryetari i PBDNJ shprehet se për etnin duhet një proces më vete.
Tirane- Shqiptarët do të rinumërohen sërish në vitin 2020. Instituti i Statistikave po bëhet gati për Cencusin e popullsisë dhe banesave 2020 me një kosto prej 15. 8 milion euro.
Në ndryshim nga ai i 2011, cencusi i vitit të ardhshëm do të realizohet me tablet dhe të dhënat e plotësuara të jenë online në kohë reale.
Sipas bazës ligjore të propozuar nga Këshilli i Ministrave qytetarët që nuk do të japin informacionin e kërkuar ose do të japin informacion do të gjobiten deri në 100 mijë lekë.
Delina Ibrahimi, drejtore e INSTAT: "Të gjithë pyetjet thelbësore të cencusit përveç pyetjeve mbi përkatësinë fetare dhe përkatësinë në grupe etno kulturore do të jenë subjekt i verifikimit dhe vërtetësisë"
Në draft pyetësorin për numërimin e popullsisë vihet re që për grupin etnik propozohet dhe alternativa që të mos përgjigjet por kreu i PBDNJ, Vangjel Dule kërkoi që në vend të termit etno kulturor të vendoset pakicë kombëtare.
Gjithashtu shtoi se Shqipëria ka nevojë të bëjë një regjistrim të saktë për numrin e popullsisë që janë pakica kombëtare.
Për më shumë lexoni në: http://oranews.tv/article/cencusi-2020-ja-pyetjet-qe-do-ju-pergjigjeni
