Mbretëria e Bashkuar ka vendosur të lejojë kompaninë kineze Huawei, ta vazhdojë edhe pse me disa kufizime aktivitetin në rrjetin 5G, dhe kjo, pavarësisht presioneve të mëdha nga SHBA-ja për ta bllokuar bashkëpunimin me kompaninë në fjalë. Kryeministri britanik, Boris Johnson, ishte përballur me një trysni të fortë nga Shtetet e Bashkuara, dhe disa deputetë konservatorë, për të bllokuar gjigantin e teknologjisë kineze.
Por, Pekini e kishte paralajmëruar dhe ai Mbretërinë e Bashkuar se mund të ketë pasoja ?të thella? në planet e tjera të tregtisë dhe investimeve, nëse kompania do të ndalohej plotësisht. Shtetet e Bashkuara e kanë shpallur Huawein si rrezik për sigurinë kombëtare dhe i kanë bërë thirrje vendeve aleate të ndërpresin bashkëpunimin me të në fushën e rrjetit 5G.
Uashingtoni dyshon se kjo kompani bashkëpunon me qeverinë kineze dhe se të dhënat e përdoruesve të saj nuk janë të sigurta, por Huawei me qendër në Kinë, i ka mohuar vazhdimisht këto akuza. Rrjeti 5G paraqet gjeneratën e fundit të lidhjes së telefonave të zgjuar me internetin dhe ofron shpejtësi shumë më të madhe shkarkimi nga sa ekziston aktualisht.
Për më shumë vizitoni: http://top-channel.tv/
Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#5G#Huawei#TopChannel
