Ajrimi i dhomave është shtuar në formulën e qeverisë gjermane për të luftuar koronavirusin, në një lajm të shumëpritur nga ekspertët e higjenës së ajrit në vend që kanë kërkuar që kjo të bëhej zyrtare prej muajsh. Në fakt, ajrosja e dhomave është një lloj fiksimi kombëtar me shumë gjermanë që zakonisht hapin dritaret të paktën dy herë në ditë, edhe në dimër. Shpesh kërkesa është e përfshirë në një klauzolë detyruese në kontratat e qirave, kryesisht për të mbrojtur nga lagështira dhe era e keqe. Por ndërsa disa njerëz mund ta hedhin poshtë metodën, duke e quajtur primitive, ajo mund të jetë një nga mënyrat më të pa kushtueshme dhe më efektive për të evituar përhapjen e virusit- insistoi angela merkel. Kancelarja shpjegoi se udhëzimet e qeverisë për të luftuar virusin janë, distancim, higjenë dhe maskë. E tani, atyre u shtohet edhe ajrimi i ambjenteve. Ajrimi i rregullt në të gjitha ambjentet private dhe publike, mund të reduktojë në mënyrë të konsiderueshme rrezikun e infeksioneve ? shpjegohet në rekomandimet e qeverisë. Ajrimi, sipas ekspertëve të higjenës së ajrit, do të thotë hapja e një dritareje në mëngjes dhe në mbrëmje, për të paktën pesë minuta, në mënyrë që të lejohet qarkullimi i ajrit. Akoma më efikas, sipas ekspertëve, është ajrimi përmes hapjes së disa dritareve në një shtëpi apo apartament në mënyrë që të krijohen korrente që do të nxjerrin jashtë ajrin e ndenjur dhe të fusin brenda ajrin e pastër.
Pamejt: AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. ? Informohu i pari? , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: http://top-channel.tv/
Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#Gjermani#TopChannel
