Notte Santa
Tina Di Siervi
Staje arrivanne pure chist'anne,
ammanta 'o cielo 'e stelle,
pecche' è 'o mumente ca staje nascenne .
'O bambenielle è pronto p'essere mise int''a capanna co bue e l'asinello
San Giuseppe e 'a Madunnella.
È aria 'e festa
e chi nun 'o sente
nun sape che po' da' sta' notte santa.
Cheste nun significa ca s'adda' essere buone sule 'e chistu juorne,
ma è certo è riprovato ca pure 'o cchiù fetente nu' poco 'e pentimente 'o sente.
Pecché annanze a nu' mistero accussi grande,
ca so' secoli ca se rinnova
e nun so' juorne,
coccosa 'e magico e affatato esiste
e nun cia maje 'ngannato.
Già sule 'o fatte ca tiene 'o desiderio 'e sta' 'nsieme 'e pariente,
de tene' vicine e ricurda' chi se ne jute
te fa' senti ca cheste è 'a notte 'e l'ammore, pure si stu' mumente dura poco.
E si!
Pecché na' vota ca si venute 'ncoppe 'a sta' terra,
cunusce pure tu 'o lato oscuro
e chi te accoglie oggi,
pe' te purta' 'ncoppe a na' croce quanne sta' notte passa,
e gia' è fernuta.
Tina Di Siervi
