Uocchie
Giovanna Balsamo
❤️❤️
Comm'a 'e spiecche songhe ll'uocchie,
quanno te guardano nsistentemente:
te traseno nfino a ddint'a ll'anema,
fotografano chello ca tiene 'int'a mente.
Uocchie verde, celeste, chiare, scure:
triste, allere...uocchie 'e tanta culure!
Uocchie malinconiche cu 'e cciglie nfose,
meste e ttriste comm'a nnuvole picciose.
Uocchie adulatore, uocchie ruffiane,
uocchie sfacciate, uocchie puritane.
Uocchie busciarde, uocchie d'attore:
ca lusingano, ma nun provano ammore.
Uocchie addiruse, uocchie paunazze:
uocchie ncazzate...uocchie 'e pazze.
Uocchie scurnuse ca diceno bbelle parole
e acalano 'o sguardo pe scuorno o pudore.
Uocchie cuntente, ca rideno allere,
uocchie fauze, uocchie sincere.
Uocchie nire comm'ô ccarbone cucente,
ca s'appicciano comm'ê tizzune ardente.
Uocchie 'e mamma addó se vede 'o core...
ca quann'addentano fridde e ssenza calore,
s'alluntanano dicenno: "vaco s'è ffatto tarde..."
primm'e se nzerrà te lassano ll'urdemo sguardo.
Giovanna Balsamo
Musica
Napulitanata
Pianoforte
Uocchie ca'me parlate
Giacomo Rondinella
