“Şem’-i ruhuna cismimi pervâne düşürdüm
Evrâk-ı dili âteş-i sûzâne düşürdüm
Bir katre iken kendimi ummâne düşürdüm
Hâyfâ yolumu vâdî-i hicrâne düşürdüm
Takrîr edemem derd-i derûnum elemim var
Mevlâ’yı seversen beni söyletme gamım var
Dinle sözümü sana direm özge edâdır
Dervîş olana lâzım olan aşk-ı Hudâ’dır
Âşıkın nesi var ise ma’şûka fedâdır
Semâ safâ câna vefâ rûha gıdâdır
Aşk ile gelin eyleyelim zevk u safâyı
Göklere değin ir görelim hûy ile hâyı
Mestâne olup depredelim çeng ile nâyı
Semâ safâ câna vefâ rûha gıdâdır
Ey sûfî bizim sohbetimiz câna safâdır
Bir cür’amızı nûş idegör derde devâdır
Hak ile ezel ettiğimiz ahde vefâdır
Semâ safâ câna vefâ rûha gıdâdır
Aşk ile gelin tâlib-i cûyende olalım
Şevk ile safâlar sürelim zinde olalım
Hazret-i Mevlânâ’ya gelin bende olalım
Semâ safâ câna vefâ rûha gıdâdır.
